Sara nennir ekki að passa litla bróður sinn. Hún biður The goblin King um að taka hann frá sér. Þegar Söru langar að fá bróður sinn til baka, þá er það ekki sjálfsagt, heldur lætur kóngurinn hana leysa þrautir og finna leið sína í gegnum völundarhúsið sitt…
Þetta er ný íslensk leikgerð! Sýning fyrir öll, fullorðna og börn, fullkomin fjölskyldusýning. Þó viljum við vara við að ljósin í sýningunni geta sumum þótt of skær og öðrum tónlistin hávær.
LEIKSÝNINGIN er byggð á hinni klassísku fanstasíu kvikmynd Labyrinth frá árinu 1986. David Bowie lék bæði stórt hlutverk í myndinni og á heiðurinn af hluta tónlistarinnar.
Sýningar fara fram Hátíðarsal Tækniskólans við Háteigsveg – eða gamla Sjómannaskólanum.
LEIKSTJÓRI leikhópsins er hin dásamlega Júlíana Kristín Liborius Jónsdóttir, menntuð leikkona og sviðshöfundur frá leiklistarskólanum Copenhagen International School of Performing Arts.
22. apríl til 24. apríl kjósa nemendur um forseta og varaforseta NST. Kosið er á INNU!
Í FRAMBOÐI TIL FORSETA NST ERU ANDRI OG EVA KAREN
ANDRI ÞÓR ÓLAFSSON 17 ára nemandi á tölvubraut „ÉG vil þig að kjósa mig sem forrseta NST“
——————————————————————————————————–
EVA KAREN JÓHANNSDÓTTIR
Eva Karen er 17 ára og á Pípulagningabraut og er að taka stúdentspróf samhliða. Eva er búin að sitja í miðstjórn NST seinasta árið og veit því vel hvernig á að framkvæma hluti innan stjórnar og er hún búin að taka að sér mörg verkefni og skila þeim frá sér með glæsibrag.
Síðasta haust var Eva kosin inn í stjórn SÍF (Samband íslenskra framhaldsskólanema) og er þar iðnnemafulltrúi, Eva er mjög drífandi og dugnaðarsöm og tekur við öllum verkefnum sem koma til hennar. Hún er með mörg verkefni í huga til þess að efla skólann til hins betra. @xevaiforseta ef þið viljið kynnast mér betur.
————————————————————————————————————–
Í FRAMBOÐI TIL VARAFORSETA NST – DAVÍÐ, VIKTORÍA OG ÆSA
DAVÍÐ ÖRN ARNARSSON
Ég heiti Davíð oftast kallaður Dabbi og er á öðru ári á hönnunarbraut. Ég hef verið að vinna mikið að gera graffíti, grafískri hönnun og að teikna.
Ég er jákvæður, hugmyndaríkur og traustverðugur. Ég koma til dæmis BUZZ hleðslukubbunum í Tækniskólann á Skólavörðuholti.
Ég hef góða reynslu af félagsstörfum úr grunnskóla og vann við markaðsstörf í vetur.
Félagslífið í tæknó skiptir mig miklu máli. Ég er tilbúinn à hlusta á raddir nemanda og tala fyrir þeim breytingum sem þið viljið sjá í skólanum.
————————————————————————————————————–
VICTORÍA TAKACS
Ég heiti Victoría Takacs og er 16 ára nemandi á hársnyrtiönn Tækniskólans. Ég býð mig fram í embætti varaforseta NST þar sem ég hef lengi haft áhuga á félagsstörfum og eins fjölbreyttur og Tækniskólinn er þá finnst mér mikilvægt að pæla í öllum hliðum en ekki bara sinni eigin.
Markmiðin mín eru að hlusta á hliðar annara og púsla þeim sem eina heild, einnig bæta félagslíf skólanns og allt í allt hjalpa við að gera skólann sem bestu útgáfu af sjálfum sér. X-Victoria!
————————————————————————————————————–
ÆSA MARGRÉTSIGURJÓNSDÓTTIR
Hæhæ Tæknó nemendur, ég heiti Æsa Margrét og er á mínu fyrsta ári á nýsköpunar- og hönnunarbraut. Mér þykir ofboðslega vænt um fólkið í kringum mig og þau geta alltaf leitað til mín um hvað sem er.
Síðan skólinn byrjaði hef ég verið í Skemmtinefnd Tæknó og hef því góða reynslu af því hvernig hlutir fara fram og hefur mér fundist það starf mjög skemmtilegt en nú er ég að gefa kost á mér í embætti varaforseta NST.
Afhverju ættirðu að kjósa mig í varaforseta?
Ég er drífandi, jákvæð og metnaðarfull, ég legg mig alla fram þegar kemur að því að framkvæma hluti. Félagslífið og mórallinn í Tæknó skiptir mig miklu máli og vil ég stuðla að því að vera með viðburði og skemmtanir fyrir alla. Fólk getur leitað til mín með hugmyndir af því sem þau vilja framkvæma og ég reyni að láta þá hluti gerast. Ég er opin, á ekki erfitt með það að taka á móti ábendingum og gagnrýni og þess vegna ættu þið Tæknó nemendur að setja X við Æsu í varaforseta NST.
Stjórn NST samanstendur af 9 nemendum skólans. Kosið er sérstaklega í embætti forseta, varaforseta og gjaldkera. Þar að auki geta nemendur boðið sig fram í embætti meðstjórnenda en fimm meðstjórnendur eru í stjórn. Í september leitar stjórn eftir níunda aðilanum sem er nýnemafulltrúi. Í viðhengi er listi yfir hlutverk hvers embættis.
Ég vek athygli á óskað verður eftir framboðum í nefndir og stjórn félaga af nýrri stjórn þegar hún tekur við.
Framboðum skal skila í þetta skjal – Þar má skoða verkefni stjórnar og kosningareglur.
Lokað verður fyrir framboð sunnudaginn 21. apríl kl. 16:15. Kosningar fara fram á Innu dagana 22.–24. apríl.
