Á mánudaginn byrjuðu framhaldskólaleikarnir FRÍS þar sem keppt er í Rafíþróttunum CSGO, Rocket League og Valorant.
Til að hefja leika mun CSGO lið Tæknó E-Sports keppa á móti Menntaskólanum á Egilsstöðum og Rocket League Tæknó E-Sports keppast við Menntaskólanum á Tröllaskaga.
Við erum að leita af einstaklingum til að streyma leikjunum þannig ef þú hefur áhuga máttu endilega hafa samband við Lilju sem kemur þér í samband við Vigfús þjálfara.
Hér finnur þú meiri upplýsingar um FRÍS – þú getur líka fylgst á Discord!
Skráning í Átótjúnið – Söngkeppni Tækniskólans
Söngkeppni Tækniskólans fer fram í Hátíðarsal skólans við Háteigsveg (2. hæð) miðvikudaginn 8. febrúar og hefst kl. 19:30.
Hér getur þú skráð þig í keppnina ♥ Skráningu lýkur föstudaginn 27. janúar kl. 14:00.
Aðstoð við útfærslur og undirspil eru í boði fyrir þá sem það vilja en keppendum er einnig frjálst að koma með sitt eigið „playback“.
Sigurvegar keppninnar verður fulltrúi skólans í Söngkeppni framhaldskólanna sem verður laugardaginn 1. apríl í Kaplakrika og í beinni á Stöð 2. Nánari upplýsingar um keppnina og fyrirkomulag er hægt að fá hjá Lilju félagsmálafulltrúa ([email protected] ).
Vilt þú leika Lísu í Undralandi?
Leikfélag Mars, býður nemendum skólans á leiklistarnámskeið. Öll áhugasöm eru velkomin, námskeiðið er frítt og það þarf ekki einu sinni að skrá sig, bara mæta ♥
Námskeiðið byrjar miðvikudaginn 18. janúar kl. 18:00 í hátíðarsal Tækniskólans sem er á 2. hæð á Háteigsvegi. Námskeiðið verður dagana 18., 20., 25., 26. og 27. janúar. Ef þú hefur áhuga mættu jafnvel þó þú komist ekki öll kvöld ♠
Að námskeiði loknu býður félagið öllum á opnar prufur fyrir verk ársins – Lísu í Undralandi ♦
Leiðbeinandi á námskeiðinu og leikstjóri sýningarinnar, Lísu í Undralandi, er Guðmundur Jónas Haraldsson. Frekari upplýsingar má nálgast með því að senda leikfélaginu tölvupóst ♣
Stjórn leikfélagsins skipa: Bjartur Sigurjónsson, Elma Eik Tulinius, Guðrún Gígja Vilhjálmsdóttir, Hrefna Hjörvarsdóttir, Katla Rún og Ragnar Ágúst Ómarsson.