Leiklistarnámskeið

Leikfélag Tækniskólans, Desdemóna, býður nemendum Tækniskólans á frítt leiklistarnámskeið.


Námskeiðið fer fram í matsal Tækniskólans við Skólavörðuholt og verður fjögur skipti, á mánudögum og miðvikudögum kl. 18:00. Fyrsta skiptið verður mánudaginn 8. nóvember.

Leiðbeinandi á námskeiðinu verður Gunnar Smári Jóhannesson, en hann mun einnig sjá um að leikstýra leiksýningu sem stefnt er að því að setja upp á vorönn.

Allir áhugasamir eru velkomnir. Engin sérstök skráning fer fram, það er nóg að mæta bara.

Aðalfundur NST 2021

Aðalfundur Nemendasambands Tækniskólans 2021 verður haldinn fimmtudaginn 25. nóvember kl. 16:00 í stofu S400 á Skólavörðuholti.

Dagskrá fundarins:

  1. Afhending fundargagna.
  2. Setning aðalfundar. 
  3. Formaður NST skal stýra fundinum og ritari NST skal rita fundargerð
  4. Fundargerð síðasta aðalfundar lögð fram.
  5. Viðburðir NST kynntir.
  6. Endurskoðaðir reikningar lagðir fram til samþykktar. 
  7. Lagabreytingar.
  8. Önnur mál.
  9. Slit aðalfundar.

Tillögur til lagabreytinga skulu berast stjórn minnst þremur heilum dögum fyrir aðalfund (22. nóvember) og skulu þær aðgengilegar félagsmönnum á vef NST síðustu tvo dagana fyrir aðalfund. Lagabreytingartillaga telst samþykkt fái hún meirihluta greiddra atkvæða á aðalfundi. Ef engar lagabreytingartillögur koma fram, skulu lög gilda óbreytt fram að næsta aðalfundi eða aukaaðalfundi.

Tillögur til lagabreytinga berist á [email protected]

Miðstjórn Nemendasambandsins hefur lagt til 22 breytingar á lögum sambandsins.

Hér má finna gildandi lög NST.

Paintball mót

Miðvikudaginn 27. október kl. 18:00 fer Paintball mót Tækniskólans fram í Skemmtigarðinum í Grafarvogi.

Keppt verður í 7 manna liðum og kostar 31.500 kr. fyrir liðið (4500 kr. á mann) að taka þátt.
Mikilvægt er að hafa einn aðila í forsvari fyrir liðið (sá sem greiðir) og viðkomandi sé með á hreinu hverjir eru í liðinu.
Greitt er fyrir liðið í heild en þeir sem ekki hafa lið en vilja samt taka þátt geta skráð sig í „bland í poka“ lið hér.
Þeir sem skrá sig í „bland í poka“ liðin geta greitt með millifærslu.

Miðasalan er hafin

NST býður upp á pizzur fyrir alla keppendur meðan á mótinu stendur.