Tækniskólinn mætir FÁ í Gettu betur

Tækni­skólinn mætir í sjón­varpssal til að etja kappi við Fjöl­braut­ar­skólann í Ármúla í Gettu betur föstu­daginn 19. febrúar. Bein útsending verður frá keppn­inni á RÚV kl. 19:40.

Lið Tækni­skólans er komið í sjón­varpssal í annað árið í röð og í annað skiptið í sögu skólans.
Liðið skipa Auður Aþena Ein­ars­dóttir, Emil Uni Elvarsson og Þorsteinn Magnússon.

Dungeons & Dragons klúbburinn

Klúbburinn hittist reglulega til að spila hlutverkaspilið Dungeons & Dragons, þar sem þátttakendur skapa sér persónur og lenda í ævintýrum.


Allir eru velkomnir í klúbbinn, óháð fyrri reynslu af spilum og geta þeir sem hafa áhuga á að reyna fyrir sér sem spunameistarar í fyrsta skiptið fengið leiðsögn og aðstoð, eins geta þeir leikmenn sem ekki hafa spilað áður fengið aðstoð við að koma sér af stað (en svo er alltaf best að læra bara með því að spila).


Meðan samkomutakmarkanir gilda verður spilað í gegnum netið og er klúbburinn með discord rás en vonir standa til þess að geta farið að spila saman í persónu sem fyrst.


Þeir sem hafa áhuga á að taka þátt geta skráð sig hér eða sent póst á [email protected]

Rafíþróttalið Tækniskólans

Tækni­skólinn er að móta glæ­nýtt rafíþróttalið sem mun m.a. taka þátt í Fram­halds­skóla­leik­unum, Rafíþrótta­keppni íslenskra fram­halds­skóla sem haldin verður í fyrsta sinn nú vorið 2021. Þar verður keppt í þremur tölvu­leikjum, Counter-Strike:Global Offensive, Rocket League og FIFA.

CS:GO

  • 5 manns í hverju liði sem þið sendið frá ykkur
  • Leyfilegt er að senda einn varamann með liðinu (en það er valfrjálst)
  • Leikir spilaðir á PC

Rocket League

  • Keppt verður með 3vs3 formatti svo þið sendið frá ykkur 3 manna lið
  • Einnig leyfilegt að senda einn varamann með liðinu (valfrjálst)
  • Cross-play leyfilegt svo keppendur ráða hvort þau spili á PC/Playstation

FIFA

  • Keppt verður með friendly formatti með overall 90 liði í 1v1
  • Þið sendið frá ykkur 2 keppendur sem skiptast síðan á að keppa
  • Einnig leyfilegt að senda einn varamann með liðinu (valfrjálst)
  • Leikir spilaðir á Playstation

Prufur verða haldnar dagana 25. – 29. janúar og verða raf­rænar. Þá mun þjálf­arinn leggja mat á þátt­tak­endur og velja hverjir komast í liðin. Gerð verður krafa um að í hverju þessara liða verði fólk af fleiri en einu kyni.
Leitast er eftir:
2 liðum sam­an­sett af 5 ein­stak­lingum í CS:GO.
3 ein­stak­lingum í Rocket League lið.
2 ein­stak­lingum í FIFA 21 sem skiptast á að keppa.

Æfingar verða í umsjón Vig­fúsar Karls Steins­sonar ásamt viku­legum fundum þar sem öll liðin koma saman.