Stjórn NST samanstendur af 9 nemendum skólans. Kosið er sérstaklega í embætti forseta, varaforseta og gjaldkera. Þar að auki geta nemendur boðið sig fram í embætti meðstjórnenda en fimm meðstjórnendur eru í stjórn. Í september leitar stjórn eftir níunda aðilanum sem er nýnemafulltrúi. Í viðhengi er listi yfir hlutverk hvers embættis.
Ég vek athygli á óskað verður eftir framboðum í nefndir og stjórn félaga af nýrri stjórn þegar hún tekur við.
Framboðum skal skila í þetta skjal – Þar má skoða verkefni stjórnar og kosningareglur.
Lokað verður fyrir framboð sunnudaginn 21. apríl kl. 16:15. Kosningar fara fram á Innu dagana 22.–24. apríl.
Sara nennir ekki að passa litla bróður sinn. Hún biður The goblin King um að taka hann frá sér. Þegar Söru langar að fá bróður sinn til baka, þá er það ekki sjálfsagt, heldur lætur kóngurinn hana leysa þrautir og finna leið sína í gegnum völundarhúsið sitt…
Þetta er ný íslensk leikgerð! Sýning fyrir öll, fullorðna og börn, fullkomin fjölskyldusýning. Þó viljum við vara við að ljósin í sýningunni geta sumum þótt of skær og öðrum tónlistin hávær.
LEIKSÝNINGIN er byggð á hinni klassísku fanstasíu kvikmynd Labyrinth frá árinu 1986. David Bowie lék bæði stórt hlutverk í myndinni og á heiðurinn af hluta tónlistarinnar.
Sýningar fara fram Hátíðarsal Tækniskólans við Háteigsveg – eða gamla Sjómannaskólanum.
LEIKSTJÓRI leikhópsins er hin dásamlega Júlíana Kristín Liborius Jónsdóttir, menntuð leikkona og sviðshöfundur frá leiklistarskólanum Copenhagen International School of Performing Arts.
Húsið opnar kl. 22:00 en ekki er hleypt inn á ballið eftir 23:00. Ballinu lýkur kl. 01:00.
Fram koma: DJ Gugga, Tónhylur, Ezekiel, Young Nigo, Aron Can & Daniil
MIÐASALA – ARMBÖND AFHENT Í NÆSTU VIKU
Miðasölu fyrir nemendur Tækniskólans má nálgast hér: https://yess.is/e/nft/Sumarball%202024. Mánudaginn 8. apríl hefst miðasala fyrir gesti úr öðrum framhaldsskólum en Tækniskólanemendur geta boðið einum gesti með sér. Gestur getur ekki keypt miða nema með kennitölu þess nemanda sem býður honum með. Kennitöluna skráir gestur við miðakaup. Miðaverð er 4.500 kr. fyrir nemendur FÁ, Tækniskólans, FB, FMos og Borgarholtsskóla en 5.500 kr. fyrir aðra. Takmarkaður fjöldi miða er í boði og gildir reglan fyrstur kemur, fyrstur fær. Hér er hlekkur á miðasölu fyrir utanskóla eins má fylgjast með á Instagram reikningi NST (nstskoli) og á vefsíðunni okkar nst.is.
EDRÚPOTTUR – ölvun ógildir miðann!
NST mælir með því að þú upplifir lífið edrú. Því fylgja engir gallar, bara kostir. Það má heldur ekki neyta áfengis eða annarra vímugjafa á viðburðum skólans. Slepptu öllu ölæði og taktu meðvitaða ákvörðun um að vera án vímuefna ♠ Snillingar sem blása í áfengismæli komast í edrúpottinn og geta unnið peningaverðlaun. Einnig er vert að nefna að á ballinu er ekki leyfilegt að koma inn með tóbak, nikótínpúða eða rafrettur. Allur óheimill varningur verður gerður upptækur og honum fargað.
ALLT OFBELDI ER ÓLÍÐANDI
Á viðburðum NST er allt ofbeldi ólíðandi. Það þýðir EKKERT umburðarlyndi fyrir t.d. móðgandi eða særandi athugasemdum um útlit fólks, hómófóbíu eða kynþáttafordómum. Öll hegðun og áreitni sem skapar ógnvekjandi eða fjandsamlegt umhverfi verður ekki liðin.
