Miðasölu á ball TÆKNÓ X MH er lokið. Ballið er í Hvalasafninu út á Granda – Whales of Iceland.
Húsið opnar kl. 22:00 en kl. 23:00 hættum við að hleypa nemendum inn á ballið. Ballinu lýkur kl. 01:00 og við hvetjum forsjáraðila til að sækja börnin sín.
Nemendur fá frí í fyrstu tveimur kennslustundum á fimmtudagsmorgni og mæta í tíma kl. 10:25.
Öryggisgæsla
Ásamt starfsfólki skólans sinnir GO Öryggi öryggisgæslu á ballinu og umsjón með sjúkraherbergi. Gæslan leitar á öllum sem koma á ballið. Gæslan leyfir nemendum ekki að koma inn með t.d. rafrettur, nikótínpúða, ilmvötn, snyrtivörur eða tyggjó.
Uppvís að drykkju á balli
NST býður öllum sem mæta á böll að blása í áfengismæli. Allsgáðir og heppnir nemendur Tækniskólans verða síðar dregnir úr fyrirmyndarpottinum og geta unnið til verðlauna.
Það má ekki neyta áfengis eða annarra vímugjafa á viðburðum skólans. Ef nemandi er grunaður um drykkju á balli er honum boðið að blása í áfengismæli. Ef ölvun mælist eða nemandinn neitar að blása er hringt í forsjáraðila sé hann yngri en 18 ára og þeim gert að sækja hann en 18 ára eða eldri nemendum er vísað af balli.
Ofbeldi með öllu ólíðandi
Á viðburðum NST er allt ofbeldi ólíðandi. Það þýðir EKKERT umburðarlyndi fyrir móðgandi eða særandi athugasemdum t.d. um útlit fólks, hómófóbíu eða kynþáttafordómum. Öll hegðun sem skapar ógnvekjandi umhverfi verður ekki liðin.
