3 framboð bárust í stöðu nýnemafulltrúa NST. Hér að neðan eru kynningar á frambjóðendunum:
Birta Dís
Hæ ég heiti Birta Dís og ég býð mig fram sem fulltrúi nýnema.
Ég er ný útskrifuð úr Garðaskóla og er spennt að vera nýnemi í Tækniskólanum. Ég hef mjög gaman af útiveru, hreyfingu og flest öllu fjöri.
Snjóbretti er stórt áhugamál hjá mér ásamt sjósundi, myndlist og hönnun.
Ef fjárans COVID leyfir myndi ég sem fulltrúi nýnema vilja gera hluti eins og lasertag, paintball, göngur, bíókvöld og svo margt fleira. ????
Hlakka til að hitta ykkur,
Kv.
Birta Dís
Garðar Máni
Góðan daginn, gott fólk. Garðar Máni heiti ég, oftast kallaður Garri, og er núverandi nýnemi í Tækniskólanum á Skólavörðuholti. Ég er fæddur og uppalinn í Breiðholtinu í Reykjavík. Ég gekk í Hólabrekkuskóla alla mína skólagöngu en tók tíunda bekkinn í Árbæjarskóla. Ég varð mjög fljótur að hafa áhuga á tölvum, tölvutækni og öllu sem tengist tölvum frá því að ég vera ungur drengur sem og í dag. Ég er mjög róleg og yfirveguð persóna, ljúfur og frábær í alla staði ????. Ég er mjög félagslyndur, og hef gaman að kynnast nýju fólki og allskonar nýjungum í lífinu.
Ég hef aldrei boðið mig fram í einhverskonar kosningum eða sem fulltrúi í einhverju félagi, þannig þetta er nýtt fyrir mér og spennandi. Ég get nú ekki mikið sagt að ég sé með einhverja reynslu í Nemendakosningum sem og fulltrúi, En það þýðir samt ekki að ég sé óreyndur einstaklingur varðandi hjálpsemi og stuðning til góðvildar. Ég er mjög fljótur að læra inná nýja hluti og tek þeim mjög alvarlega, ég er þannig persóna að ég legg mig allan fram í því sem ég geri og legg mikinn metnað í þeim verkefnum sem ég tek að mér. Ég er mjög ábyrgðarfullur og tek lífinu alvarlega þar sem ég legg mig allan fram í því sem ég geri. Að vera fulltrúi nýnema í NST getur verið mikil ábyrgð. Ég vil vera sá fulltrúi sem stefnir á stórt markmikið fyrir nýnema og almennt fyrir námsmenn í heild sinni. Að vera sú persóna eða einstaklingur sem fólk getur leitað til eftir aðstoð eða hugmyndum tek ég mjög alvarlega hvort sem það er í skólanum eða fyrir utan skólans. Ég er þannig persóna sem er alltaf opin fyrir hugmyndum og ráðleggingum og sú hugmynd getur verið boðin fram til Nemendasambandsins. Ég horfi á þetta sem nýtt tækifæri fyrir mér sjálfum, til að veita stuðning og vera til staðar fyrir nemendur í nýju starfi sem og nýnema fulltrúi skólans. Þar sem ég vil gera fyrir skólann er að nemendum líði vel og að allir nemendur hafi gott félagslíf í skólanum. Ég er all-in í þetta stóra verkefni fyrir hönd skólans og nýnema, það eru spennandi tímar framundan.
Lengi lifir Tækniskólinn! Húrra! ????
Frábærar kveðjur,
Garðar Máni.
Ylfa Dröfn
Hæhæ, ég heiti Ylfa og er að bjóða mig fram í nemendasamband Tæknó sem fulltrúa nýnema. Er mjög chill manneskja og get verið svoldið mikil ljóska, en það er bara gaman að því ;). Það sem ég vill gera fyrir skólann er að láta öllum líða eins og þau séu velkomin og svo líka að plana helling af helluðum viðburðum.
You’re doing amazing, sweetie.
-Kris Jenner-