LAN Tækniskólans hefur verið einn vinsælasti viðburður skólans og sækja um 100 nemendur í skemmtunina. Viðburðurinn er haldinn í matsal skólans og eru mót haldin í helstu tölvuleikjum dagsins, en einnig má spila frjálst tölvuleiki og borðspil einnig í boði.
Við leitum sérstaklega af fólki sem hefur áhuga og kunnáttu á netkerfum. Ef þú hefur áhuga á skipulagi og uppsetningu á netbúnaði? Eða áhuga á að aðstoða við uppsetningu á LANinu, skipuleggja borðplan, setja saman dagskrá fyrir mótin eða vinnu í sjoppunni?
Láttu okkur vita með því að senda tölvupóst á [email protected] eða bara skrá þig hér!
White on White ball verður haldið í samvinnu við nemendafélög Fjölbrautaskólans við Ármúla, Fjölbrautaskólans í Breiðholti, Tækniskólans, Framhaldsskólans í Mosfellsbæ og Borgarholtsskóla.
Ballið verður í Víkingsheimilinu í Fossvogi, fimmtudaginn 9. nóvember. Húsið opnar kl. 22:00 og lokar kl. 23:00 (ekki er hleypt inn eftir þann tíma) og lýkur ballinu kl. 01:00.
Fram koma:
Einn og hálfur dj
Dóra Júlía
Séra bjössi
Daniil
Blazroca
MIÐASALAN ER BYRJUÐ!!!
Miðasala fyrir nemendur Tækniskólans byrjar á morgun, miðvikudaginn 1. nóvember kl. 10.00. Föstudaginn 3. nóvember hefst miðasala fyrir gesti úr öðrum framhaldsskólum en Tækniskólanemendur geta boðið einum gesti með sér. Gestur getur ekki keypt miða nema með kennitölu nemendans sem býður honum með. Kennitalan skráir gestur við miðakaup.
Miðaverð er 4500 kr. fyrir nemendur FÁ, Tækniskólans, FB, FMos og Borgarholtsskóla en 5500 kr. fyrir aðra. Takmarkaður fjöldi miða er í boði og gildir reglan fyrstur kemur, fyrstur fær.
NST mælir með því að þú upplifir lífið edrú. Því fylgja engir gallar, bara kostir. Það má heldur ekki neyta áfengis eða annarra vímugjafa á viðburðum skólans – ölvun ógildir miðann. Slepptu öllu ölæði og taktu meðvitaða ákvörðun um að vera án vímuefna ♠ Snillingar sem blása í áfengismæli komast í edrúpottinn og geta unnið peningaverðlaun!
Einnig er vert að nefna að á ballinu er ekki leyfilegt að koma inn með tóbak (sígarettur, neftóbak eða munntóbak), nikótínpúða eða rafrettur. Allur óheimill varningur verður gerður upptækur og honum fargað.
OFBELDI ER ÓLÍÐANDI
Á viðburðum NST er allt ofbeldi ólíðandi. Það þýðir EKKERT umburðarlyndi fyrir t.d. móðgandi eða særandi athugasemdum um útlit fólks, hómófóbíu eða kynþáttafordómum. Öll hegðun og áreitni sem skapar ógnvekjandi eða fjandsamlegt umhverfi verður ekki liðin.
